top of page

🔥🔥وصلت وجبه الان من بروتين البرازيلي🔥🔥 المسرح الدائمي للشعر ((28$ العلبة +5$ شحن ))

📌والكمية جدا محدودة📌 الي تريد تعمل شعرها بنفسها هذه الطريقة بحذافيرها راح تشكروني علئ مساعدتي الكم.. سوو اوردر وادفعوا فقط حق المادة واشتغلوها انتوا راح توفرون هواية فلوس .. ماعندي ابدا حجز الي تدفع هي الي تاخذة واشحنلها

الي تحب تشتري بروتين مسرح شعر لمدة اقل شي 5 اشهر شعرج مسرح الى مدة سبعة اشهر العلبة الواحدة تكفي لشعر متوسط الطول متوسط الثخن سعر العلبة 28$ + 5$ شحن ولايات داخل امريكا جايبتة شحن من وكالة الشركة البرازيلية وسويت شعري بي وشعر زبونة والنتائج رهيبة جربوه وادعولي

الطريقة العمل... امشي على طريقة المكتوبة استخدمو الفلات ايرون معليكم من كلامي بالفيديو.

1- يغسل الشعر بالشامبو مرتين ينظف تنظيف كامل وينشف الشعر كامل واذا شعرج مجعد جدا الافضل تسشوريه وياخذ المادة وهو مسرح

2- تفرغ العلبة بكاسة بلاستك وفرشة صبغ غير مستعملة ومشط العادي تلبسين كفوف بلاستك وتبلشين من الخلف

3- يقسم الشعر اربعة اقسام قسمين الخلف لحد الاذن

وقسمين الامامية الغرة الكذلة والى الاذن

بلشي بالاقسام الخلفية تاخذين خصلة رفيعة تتركين واحد سنتميتر الى واحد ونص ممنوع تحطين المادة مباشر عالجذر... تحطين الفرشة بالمادة شوية تاخذين بروتين وتحطيها للفرشة تغلغليها بالشعر وتسحبيها لنهاية الشعر وبايدج الثانية تحطين الخصلة بين اصابيعج كانما مثل المقص تقرصين اصابعج عالخصلة وشيلي الزايد من البروتين ترجعيه بالكاسة وهكذا مايحتاج تغركيه بروتين .. ميصير غلط .. المفروض مجرد يترطب بالمادة... من تشتغلين لا تشتغلين القسمين الخلفية تكملين صفحة وتروحين عالصفحة الثانية غلط .. اخذي خصلة من جهة اليمنة وخصلة من جهة اليسرة وهكذا ... ومن تبلشين بالجوانب وتحطين بروتين الشعر يتمشط كل الخصل للخلف ... مشطي واضغطي عالشعر اكبسي ايدج لحد النهاية ومشطي هواية خلي تتساوة زين المادة عالشعر كلة ... من تكمليه كلة تتركيه لمدة تتراوح بين 20 الى 30 دقيقة.. ابدي سشوري الشعر جففي المادة وهي بالشعر بهواأ السشوار الحار نشفيه استخدمي مشط فرشة ومشطي الشعر مع هواء السشوار الئ ان ينشف تمام ابدئي قسمي خصله خصلة اكويه بالمكواة الشعر الفلات ايرون من الجذر للاطراف كلة تسحبيه بالفلات ايرون .. مثلا سويتيه العصر اكويه بالفلات مرة لخ بالليل.. ومرة من تكعدين الصبح تكون المادة متكسرة بالشعر تشوفين شعرج بي كسرة ارجعي اكويه مرة لخ الصبح ... والعصر اغسليه شطف بالماء خلي الشعر ينظف من المادة وحطيلة كريم ماسك الشعر من الجذر للشعر كلة لاطرافة وتركيه لمدة 10 دقائق واشطفيه بالماء ... ميصير تحطين شامبو راح يصير خشن ... اغسلي بالشامبو ثاني يوم بعد ما غسلتيه وحطيتي الكريم الماسك من بعدة بيوم تبدين تستخدمين الشامبو ..... كلما تتحممين تستخدمين شامبو وياه كريم ماسك بمكان الكندشينر طول الستة اشهر ..وتجففين شعرج بهوا السشوار الحار ومشط فقط .. وباعي شعرج لاتجعييييدددد بعد اليوم ارتاحي وابو الشباب يمج يشوفج مرتبة وشعرج مرتب احسن من الكرافيص والكعكولات كدامة هههههههه استغلوا الفرصة رياجيلكم كاعدين بالبيت لو هو يسوي شعرج لو يكمشلج الجهال وخلي اختج صديقتج تسويه الج ممنوع اي وحدة تسوي النفسها ترا ماتسيطرون لازم تتركين واحد سنتميتر من تحطين المادة ومن بعد ما تهفت تبدين تمشطيه بس بالبداية ميصير تحطيها من الجذر..... ودمتم سالمين

protein product

$28.00Price
    bottom of page